منتديات ندى العمـــــر

مرحبا بك زائرا للمنتدي يسرنا تسجيلك ومشاركتك معنا

    ممكن تسمعنى

    شاطر

    خالد الفيومى

    أوسمة  ندى العمر  أوسمة ندى العمر :

    الجنس : ذكر
    عدد المساهمات : 18
    مشاركاتك : 18
    تاريخ التسجيل : 27/12/2012

    ممكن تسمعنى

    مُساهمة من طرف خالد الفيومى في السبت يناير 12, 2013 10:15 pm

    ممكن تسمعنى.. ممكن تسمع صوتى اللى نادى كتير على حقه من غير مرة ما ينطق... ممكن ؟!
    صدقنى أنا مش هأخد من وقتك حاجة بس اسمعنى.... يمكن....

    ولا خلاص... اننا نتلاقى كلمة خسرت معناها.. جرب مرة واسمعنى مش هقولك كلمه تضايقك. .صدقنى. ..

    أنا شاب على أبواب التلاتين عدى عليا فى عمرى يمكن (رئيسين)...

    اتعلمت وانا مؤمن إن بلدنا أم الدنيا وإننا فيها حاجة تانيه ودرست تاريخ وجغرافيا وقريت عن

    موقع مصر وفرحت لما عرفت أنها فى نص العالم وبيحتاجها كل العالم. ...


    لما كبرت بعد ما درست وقريت واجتهدت حسيت بالوهم.. عرفت إزاى إنهم ضحكوا عليا

    وتأكدت انها مش بلدى عرفت انى بدرس كلام ملوش علاقه بالواقع عرفت انى بجتهد علشان

    لغيرى المواقع وكمان عرفت انى ألاقى شغل ده من آخر المستحيلات. ........استنى رايح فين. ...

    وبنظرة حزن جوه العين المكسورة كمل..

    قالى :-اسمعنى مش يمكن أنا وانتى نشوف الحل. ....

    سمعنا كتير عن مشاكلنا وسمعنا عن حلولها الورقية وكمان سمعنا عن حلولها العملية طويلة

    الأمد وخلى بالك من الأمد دى أصلها كبيرة أوى أكبر من عمرى وركز فى كلمة سمعنا أصلنا هنا بنسمع بس. ..

    وألاقى عقلى بيقلى طالما أنا عارف مشكلتى ومش قادر أحلها ولا عارف حد يحلها المفروض

    إنى أعمل ايه. ..جاوبنى. ...ولا كلامى فيه غلط. .. ولا إننا هنا يكون هو ده الغلط


    طب منحاول مش يمكن. ..صدقنى. ..أرجوك صدقنى. .

    أنا لما بقلك بفكّرك يمكن تكونى نستنى. ....

    أمنيتى وحلمى وأنا شاب وعمرى أصبح تلاتين (..نفسى فى أسرة أحتويها وتحتوينى. ..)

    قلى كلامه ومشى ندهته.. مردش. .أصل دى أول مرة يشتكى عارفين الآية اللى بتقول (يَحْسَبُهُمُ

    الْجَاهِلُ أَغْنِيَاء مِنَ التَّعَفُّفِ تَعْرِفُهُم بِسِيمَاهُمْ لاَ يَسْأَلُونَ النَّاسَ إِلْحَافاً) سورة البقرة الآية 273


    هما دول. ..امتا هنشوفهم ونأخد بالنا منهم ونبعد عن الصفوة والكلام اللى بيضيع الوقت. ..

    بالحق هو ممكن حد يسمع ؟؟؟!! ولا.....يمكن. ..

      الوقت/التاريخ الآن هو الجمعة أغسطس 18, 2017 10:21 pm